فريك بكرات اللحم من مطبخ نعمة من ربى

طبقنا انهاردة الفريك بكورات اللحم لذيذ ومغذى

اولا هى اكلة شهية ومكوناتها بسيطة

{1}نصف كيلو فريك مغسول كويس ومنقوع فى ماية سخنة

{2}نصف كيلو لحمة مفرومة اوربع حسب افراد اسرتك

{3}بصلة وكوبايتين شوربة

{4}طماطماية ومعلقة كزبرة اوبقدونس مفرية

{5}معلقة بقسماط ناعم وفلفل اسود وملح

{6}معلقتين زيت درة

بغسل الفريك كويس ويكون منقوع فى شوية ماية سخنة وانشله من مايته فى مصفى عشان ينزل مايته وخدى بالك من

اخر شوية ماتاخديهمش عشان الرمل والظلط مهما تنظفى بيكون موجود

وابدااجهز كورات اللحم الاول ابشر البصل وافرى عليها الطماطمة والبقدونس او الكزبرة

واضيف لها اللحمة المفرومة مع الملح والفلفل الاسود وبهارات اللحمة ومعلقة البقسماط عشان تمسك بسهولة

ونقلبهم كويس ونكورها كور متوسطة الحجم

وارش عليها معلقة زيت ماتكتريش عشان هى هتنزل دهونها واغطى عليها واسويها
على البوتجاز على الهادى هتلاقيها نزلت صوص البصل والطماطم وبدات تستوى
وتشربهم اول ماتنشف مايتها هتحسى انها بتتحمر تقلبى الكورات على الناحية
التانية تاخد لون وبكدة تبقى خلصت

هى كدة استوت لو عايزة تزودى تحميرها اكتر سبيها شوية او دخليها تحت الشواية

{نعمل الفريك}

نجهز البصلة ونشوحها فى معلقة الزيت لحد ماتصفر وننزل عليها بالفريك ونشوحه شوية

بعد التشويح ننزل عليه الشوربة يادوب تغطيه مازوديش مش زى الرز عشان هو كان منقوع فى الماية السخنة

واضيف كورات اللحم على وش الفريك واول مايغلى وطى النار عليه لحد السوا

ويتقدم مع بطاطس محمرة وصلطة ومخللات وبالهنا والشفا

والطبق دة للقمرات اللى هيقيمو

انا خلصت يابنوتات مستنية روردك الجميلة وتقيماتكم اللى بتسعدنى